左起：曾展望、王賢誌、麥美恩、Juzco、Howard、Carson。
由麥美恩無綫的清談節目《Mayanne小喇叭》今晚（29日）一集主題是「出櫃後的仔仔們」，邀來王賢誌（Vinci）和來自真人騷《仔仔一堂》的Carson、Howard以及Juzco擔任嘉賓，大爆Gay界秘聞。
Mayanne講到坊間有指仔仔們自帶「測Gay 雷達」，四位仔仔異口同聲嗌贊同，Mayanne再次上演驗胸大會，摸住Juzco脹卜卜的胸肌說：「係大嘅，大過我囉！」場面搞笑。之後講到仔仔們的各大類型，眾人大爆分別有大隻靚仔的「狼」、留鬚兼肥壯的「小熊」，還有一種叫「蝦」，Mayanne聽完Juzco的講解後更嚇到O晒嘴，到底「蝦」是哪類型仔仔，就要留意節目才知道。
Vinci提議Mayanne可以去Gay吧搵真愛 。
曾展望講到有仔仔朋友曾經成功幫他追女仔，Juzco聞言即自豪謂：「我有幫過女仔朋友追仔，之後 仲結埋婚！」身為單身貴族的Mayanne即時流晒口水向他請教，並拋出例牌問題：「咁我爭啲咩？」Juzco聞言靜止了數秒後笑言：「差咁一個會欣賞粗魯女仔嘅男仔！」Mayanne即時表現冇癮，之後Vinci提議帶Mayanne蒲Gay吧：「嗰度有機會識到直男，試過有女仔朋友搵到真愛！」
Mayanne話Juzco個胸大過自己。
再講到時下流行的「Thruple 三人行」，Vinci坦言：「喺男男關係同女女關係先會出現，因為男女關係出現三人行會有啲奇怪，因為只係滿足到其中一方。」Howard則明言接受不了：「有個朋友（同另一半）一齊咗5、6年，跟住佢搭上咗C，之後佢哋高度放閃，係咁三個人影親密相，但最後個元配係畀人Kick Off咗！」曾經與韓國人交往的Carson，則分享「韓國仔仔」當兵如何解決性需要，並指有「直男兵哥」初嘗同性之間的喜悅後由直變攣！
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
