人氣男團MIRROR風頭一時無兩，是廣告商的新寵兒。
人氣男團MIRROR爆紅，鏡粉不分年齡與性別，甚至引來「我老婆嫁咗俾MIRROR」的前夫訴苦。原來有不少中學老師都已入坑做鏡粉，昨日便有網民在「schools.secrets」(名校secrets)的社交平台以「我老師嫁咗俾MIRROR」為題發文，指校內一位鏡粉老師不斷逼學生看MIRROR節目，並且要寫文讚MIRROR。如果此發文內容屬實，也許老師原意是為偶像作「另類應援」，但物極必反，結果惹學生反感！
有網民在school secrets發文，分享「我老師嫁咗俾MIRROR」的苦況。(school secrets IG)
作文讚MIRROR
有關帖文指出，「我哋學校嘅OLE(其他學習經驗)老師非常鐘意mirror，開學第一節課嘅時候一直話mirror有幾好，啱啱開始覺得冇乜嘢，直到佢開始逼我地睇mirror嘅show同節目，去寫作文讚mirror，我先feel到唔對路，開學到依家我已經寫咗三篇關於mirror有幾好嘅作文。搞到我同我班同學煩到死。」
該名網民更上載了課堂工作紙的3條問答題作證明，從範例所見，估計老師要求學生看《調較你MIRROR》，請學生分享最能給予鼓勵和感動的場面，作個人成長的反省，以及最欣賞/喜歡的一位成員，而從老師的範例答案顥示，大有可能是姜濤的粉絲。該網民續稱：「因為呢件事我開始有愧疚感，呢個老師我開始憎mirror，但我知唔關佢哋事，但我又忍唔住憎mirror，我真系煩到死」
網民留言指老師行為過火。
有網民建議直接投訴。
MIRROR被憎好無辜
此post一出，引來大量網民留言，有建議直接跟老師反映意見或投訴，亦有留言「我都想佢做我老師呀」、有大學生自言交功課都有寫姜濤、陳卓賢、MIRROR和ERROR。同時，亦有網民表示「Mirror俾你憎得好無辜」、「雖然我都係姜糖，但有果句講果句，追星追到公私不分，條友無資格為人師表。」
立即更新/下載AM730手機APP 體驗升級功能
