阿Mo父母及哥哥、So Ching在舞蹈室跟阿Mo的好友見面。
MIRROR演唱會意外發生近兩個月，舞蹈員李啟言(阿Mo)雖由ICU轉至神經外科病房，但據知他的情況未見改善。早前阿Mo家人與So Ching跟一班舞蹈員見面，當日有份出席的舞蹈員在社交平台寫下當時的感受，他們全都感到難過，更有人形容So Ching「瘦至皮包骨」。So Ching在個人限時動態轉載部份舞蹈員的帖文，包括彩排時受傷的Zisac，他寫道︰「55days x 24hrs = 1320hrs，上面嗰條數係啟言受傷後望住天花板既時間！」So Ching慨嘆謂：「原來只係過咗55日！」
So Ching︰「原來只係過咗55日。」
舞蹈員Nok︰有人聲稱要提供協助
其中一名舞蹈員Nok指阿Mo已在醫院望住天花板2個月，在意識極清醒下承受極大痛楚。他續寫道︰「有人聲稱要提供協助卻愛理不理，有人事不關己卻作出無私奉獻，呢個世界就係咁諷刺……」這番話難免令不少網民勾起MakerVille行政總裁魯庭暉當日在醫院會見傳媒時稱「我哋依家最關心、最重要嘅係兩位傷者同佢哋家人，所以我哋會繼續和佢哋溝通，然後提供一切、一切佢哋需要嘅協助，希望佢哋可以早日康復。」
🎁 amJetso請你睇《焚城》，快Ｄ開APP玩👇 👇
