專家顧問林超雄指，發現斷裂的鋼絲承受力比一般鋼絲少20%。(李睿哲攝)
MIRROR上月紅館演唱會意外，舞台有大型屏幕墮下，導致兩名舞蹈員受傷，其中舞蹈員阿Mo(李啟言)仍然危殆。調查香港體育館嚴重事故工作小組昨日(24日)舉行第四次會議，並在會後見傳媒，指發現斷裂的鋼索承受力比一般少兩成，導致金屬疲勞，至於事件是否涉及人為失誤，暫時未能確定。
方方︰每晚同你搵命博一鋪？
MIRROR演唱會舞蹈員之一、曾參加《全民造星IV》的方方(方芷欣)，在IG限時動態分享調查報告的報道並作出大控訴︰「先唔講前期計算錯誤問題，Day 3有重新安全檢查，咁嚴重嘅損耗唔知？檢查咩？護繩器唔係護住條威吔，又夾住又磨損，安檢又睇唔到？帶班友嚟巡一圈又收工？金屬疲勞，真係意外？」
她亦不滿演唱會主辦機構及承辦商對安裝程序及安全性不清楚下，要大家「搵命搏」︰「連安裝同原件都有問題，加埋舞台效果，吊上吊落又識轉又剩，邊個話ok可以咁樣用？個mon嘅使用程度又係邊個決定？開個show，主辦/承建商連機械嘅安全情况都可以唔知，即係掉我哋幾十個表演者上台每晚同你搵命博一鋪？罪孽深重，唔係一句我唔知唔關我事就得，正正就係，點解你會唔知？」
amJetso 送BIODERMA救星小紅瓶🩷護膚恩物 立即按此參加👇
