My Sunshine尼日利亞拍韓片 韓國網民激讚黑人演員韓文超流利
韓流席捲全球，BTS、BLACK PINK紅到去外國開con都大把人睇，韓片《上流寄生族》贏埋奧斯卡，呢啲都係證明韓國流行文化有幾無孔不入。早排網上有人瘋傳一套黑人演出、講韓語嘅影片，原來唔係一條短片，而係片長75分鐘嘅網絡電影，而且係嚟自尼日利亞。背後故事，同樣展示韓流魅力。
Kemi Ikuseedun同同片其他演員都喺尼日利亞有一定名氣，絕對唔係玩玩下。作為My Sunshine創作大腦，Kemi 要求演員要學韓文，而且唔可以靠拼音噏咗句對白就算，係連語氣都要同韓國人講韓文一樣。演員會收到英文同韓文劇本，而片中學校佈景都有韓語海報、Tee等，務求似返韓片feel。Kemi本身真係韓劇迷，難怪My Sunshine故事咁似拍過韓劇嘅《花樣男子》，而喺尼日利亞，鍾意韓劇同K POP嘅並非少數。
My Sunshine 兩星期前已經上載到youtube，套戲喺尼日利亞唔算好大迴響，但對亞洲尤其是韓國人而言就好震撼，唔少韓國網民留言盛讚片中演員喺韓語方面下苦功。
原文刊登於 電影LOL
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
