On仔@C AllStar確診。
C AllStar成員陳健安(On仔)今日在社交平台宣布自己確診新冠肺炎，並分享自己過去數日的病徵，稱吃過止痛片、維他命、做一些瑜珈，病情已見緩緩。他表示現正家居隔離，著大家不用太過擔心。On仔原本閉關照顧剛做完手術的母親，如今又面臨自己中招，可說是身心俱疲。
On仔表示確診之後有頸痛，但現時病情已見緩和。
On仔︰做瑜珈放鬆好返一半
On仔寫道︰「分享一下症狀先後出現次序：Day1:喉嚨痕。Day2:味覺無咁敏感，乾咳，頸痛。Day3:瞓覺少少發冷，少少發熱出汗，頭好赤痛，無胃口。今日: 喉嚨痛，乾咳。食panadol 同不停按摩攢竹穴就無咁頭痛，一攰就瞓，期間不停做深呼吸做meditation，食維他命食粥臨瞓浸腳做肌筋膜放鬆做瑜珈放鬆，好返一半。多謝朋友們同大家關心，正居家隔離，唔使擔心，今次真閉關。」他亦分享了一些支援熱線，並叮囑大家「若果有呼吸困難及急促，記得call白車。」
最後他又向醫護人員打氣︰「各位醫護朋友我都唔知講咩好，知你哋爆曬廠，好大壓力，辛苦晒，各位加油，互相幫助，溫柔啲。好好與病毒共存。好返晒再報平安，繼續瞓。」
amJetso 送BIODERMA救星小紅瓶🩷護膚恩物 立即按此參加👇
