男團P1X3L推出新全新單曲《Next Round》。
男團P1X3L早前於《P1X3L !OMG LIVE 2024》演唱會率先演繹的新全新單曲《Next Round》，今日(2日)正式面世。新歌力量澎湃，展現出P1X3L的態度及魄力，為配合歌曲主題，MV特意挑選力量與速度感兼備的賽車作題材，三子更首嘗飄移滋味，將頭伸出車外對嘴拍攝多個鏡頭，又在雨中激舞，Phoebus更有「玩火」鏡頭，連串精彩場面目不暇給。
《Next Round》的點題歌詞：「用強敵來造王／大招練抗打／力量值未去到上限」，以作品告訴大家遇強越強，準備使出渾身解數，隨時接受任何挑戰。三子談到拍MV，首次坐副駕位置感受飄移快感時，興奮高呼：「好爽！好正！」Phoebus笑言：「其實飄完有啲想嘔，但為咗表情管理要故作鎮定，事後要用一個鐘時間平伏心情！」另外「玩火」的場景由Phoebus負責，兩位兄弟在旁笑言：「要放火，梗係你啦Phoebus！你手長啲吖嘛，腳又長啲跑都跑得快啲啦！」
推《P1X3L》同名專輯
適逢今日是他們首張同名專輯《P1X3L》推出的大日子，他們心情激動：「心情係好興奮！好想快啲俾Puzzles(粉絲稱呼)見到面世嘅album！」被問到唱片封套哪個造型最深刻，他們笑言：「最深刻係有一個造型係著咗三件衫兩條褲，呢個半文青look著咁多就係為咗有多啲layers，哈哈！」
amJetso 送BIODERMA救星小紅瓶🩷護膚恩物 立即按此參加👇
