Raymond開腔證姚子羚清白 與Sarika分居2年

姚子羚與人夫Raymond搭上，慘變「安心2.0」。姚子羚現身開腔表示自己與Raymond一齊的時候，男方已經分居，並不存在「搶人老公」。

被問到她可有懷疑為何有二人親密照流出街？子羚坦言：「有嘅，但目前唔想深究啲相點流出嚟，只係覺得好驚訝兩個人一啲照片會在外間流出去。（有幾多人有呢啲相？）唔應該問我，一啲合照我係有。（床照呢？）我冇，床照係我唔知。」問到是否只一個人有私密床照？她避談道：「如我覺得好過份行為，我會同公司商量點處理，睇點打算。」

另一廂桃色事件的男主角Raymond，出手為子羚挽聲譽說：「我同姚子羚一齊既時，我同太太已分開咗搞緊離婚，現階段我哋唔係喺埋一齊！事實係我分居咗兩年，依家單身，拍拖都好正常，又唔係咩唔見得光！另外，關於流出床照相一定唔係我Send出去！我唔想搞到人。」