![Sammi演唱會|甘比紅姑撐老友 鄭秀文完騷現身鞠躬謝歌迷](https://cdn.am730.com.hk/s3fs-public/styles/article_image/public/2024-07/mi3.jpg?itok=sWFN-Oqe)
Sammi現身拜神儀式。
鄭秀文(Sammi)假紅館舉行的13場《You & Mi 鄭秀文世界巡迴演唱會香港站》昨晚開鑼,Sammi當日下午跟大隊現身拜神儀式,更即場脫下紅色口罩食燒豬。
20萬顆水晶花3個月鑲嵌
Sammi首場演出相當順利,開場造型由品牌Windowsen設計師Sensen Lii李森森精心打造,採用Swarovski水晶為Sammi 個人第11個紅館個人演唱會揭開序幕,極具視覺衝擊力。動軋花上近1個月時間設計,綴以約20萬顆專程從奧地利運到的Swarovski水晶,並由師傅花上近3個月時間人手鑲嵌。此外,為整體造型更有層次,Sammi更配戴上Swarovski 首飾,加上華麗的服飾營造視覺效果配搭完美聽覺享受。
至於首場獲不少圈中人捧場,甘比、鍾楚紅孖住撐好友,並在社交網分享後台照,寫上:「二撐一,不是三缺一!」Sammi更安排老公許志安以夫妻檔同台合唱《世紀末煙花》成為熱話,她又在台上提到其經理人Wallace郭啟華的情況。Wallace早前被傳媒爆中風入住ICU,她在台上說︰「我知大家都好關心佢,我要同大家講個好消息,佢復原好唔錯,已經返咗屋企休息啦!佢都每日都好努力去練習,進步好神速,每日都同佢溝通住,佢係一個充滿正能量、樂觀嘅人,佢叫我樂觀咁頂住,我會!你都要好好康復!」Sammi首場以《我們都是這樣長大的》作結,全場大合唱下為演唱會畫圓滿句號,於晚上11時20分左右結束演唱會。完騷後,大批歌迷不捨離場,在紅館內守候,Sammi之後也有出來揮手及鞠躬答謝fans。