Stephy表示結婚儀式愈簡單愈好。
鄧麗欣(Stephy)昨晚(8日)出席情人節婚紗展擔任表演嘉賓，受訪時表示仍探索自己的理想婚禮。「入行後都有穿類似婚紗嘅禮服，所以對婚紗有啲研究。不過人愈大就想愈簡單，將來結婚都未必大搞。」Steph說去婚禮好開心，但一諗到當事人在婚禮前做好多籌備工夫，就覺得好攰。但她說不排除閃婚。「我比較隨心，唔鐘意太長遠計劃，或者一時興起，下個月結婚，不過我唔會秘婚。」
自言一時興起下個結婚都未定。
一諗到結婚前的籌備工夫，Stephy自言有點怕。
分身排練演唱會
距離演唱會愈來愈近，Stephy說有點分身不暇。「主要係電影排期上映，只好分配時間嚟練唱歌同訓練體能。工作排到好密，農曆年只放到一日假，同朋友打下牌咁。」說到關楚耀和太太旅行自駕遊遇暴風雪被困，Stephy說曾坐車時遇山泥傾瀉。「我當時喺外地做慈善探訪，坐旅遊巴去月偏僻地方，山泥傾瀉被困車內，成半架車入咗山泥。全車人困咗一段時間。當時又唔敢亂郁，好彩冇再落雨。」
入App免費拎荷花BB展入場券
