Strayz首度亮相獻唱。
由《全民造星4》幾位參賽者：VAL、CK、暐翹、榛綦及Ariel自資組成的女團Strayz，昨日正式亮相，並首度於公開場合演出。幾位成員的心情都十分興奮，為了這次演出更做足準備，窩心的5人又自備禮物送給Fans，反客為主冧爆Fans。
隊長VAL指組合沒有跟任何公司簽約，自資做音樂，所以隊名Strayz象徵她們5人是一班流浪的小朋友，亦是來自代表流浪的「Stray」字。她們5人首以女團身份出席《TIME’S UP Live》，並獻唱《#A5110》、《純孩兒》及《Stray》3首作品，其中《Stray》是即將推出的首支派台歌。暐翹坦言十分期待演唱《Stray》：「因為首歌對於我哋嚟講意義好大，當中所有歌詞嘅意思都係我哋想表達嘅Message同感受，所以想用好真誠同開心嘅感覺去唱俾大家聽。」
5人見到台下Fans熱烈的反應，令她們非常感動。
Ariel情急智生台上搞gag
提到今次演出，各人都表示既開心又期待，亦十分重視這次演出，特地於演出前三星期將歌曲重新編曲，再加以練習。CK說：「其實得知有演出機會嘅時候，當下好興奮係真嘅。雖然籌備演出時遇到唔少困難，但我哋都有準備好自己，亦有勤加練習，希望做到最好，同時亦希望每位成員演出得舒服，觀眾又睇得開心。」CK更指，她們都是懷著感恩的心情踏上舞台，這次演出拼盡全力。
提到在昨晚的演出中，Strayz在準備唱第二首歌時，現場出現了技術問題， Ariel隨即情急智生，在台上以爛gag當笑話，與VAL一唱一和，暐翹指Ariel是團隊中的笑話擔當。Ariel搞笑道：「其實係Plan咗有個位俾我講笑，所以唔使擔心。」
5女認為首次表現尚可，最多給自己80分。
榛綦炮製曲奇回饋粉絲
處女演出過後，VAL坦言剛開始時略帶緊張，她說：「唱第一首歌時係有少少緊張，跟住第2、3首歌就放鬆晒！」Ariel也指見到朋友在台下不停在拍她，看到熟人的她心情也變得輕鬆起來，而CK則道：「我在《純孩兒》時有啲尷尬，因為有啲位我冇乜得唱，行行企企，但因為好多攝影機對住我，就諗住擺甫士，但擺極都唔啱，好在跟住第3首可以郁動多啲，令我真係釋放！」
為了答謝Fans的厚愛，她們特別為Fans準備了小禮物，她說：「榛綦係我哋嘅廚藝部，佢整咗曲奇，再加埋我哋做嘅心意卡，送俾Fans。」平時只見Fans推出應援撐偶像，但Strayz卻自製禮物送Fans，夠晒反傳統呢！
amJetso 送BIODERMA救星小紅瓶🩷護膚恩物 立即按此參加👇
