talk騷加場 Ben Sir預告好嚴肅

歐陽偉豪(Ben Sir)昨日在將軍澳電視城接受節目《兄弟幫》訪問，並宣布下月24日舉行的talk騷，將在25日加開一場。問到籌備進度，他表示：「籌備咗一半，寫咗50張A4紙。我對自己冇信心，但係對廣東話有信心，淨係講九聲到入聲都可以講3個鐘啦，仲有量詞可以講。(個騷會唔會好嚴肅？)嚴肅，我似講笑咩？笑得到你咪笑囉！笑唔到都確保你可以攞住啲嘢走。」他又透露會在talk騷表演唱歌，平日網上直播唱歌就當練歌。