TVB藝人朱斐斐投考第26期無綫電視藝員訓練班入行，拍攝逾80部劇集，不過所飾演嘅角色大多屬客串性質，惟2017年朱斐斐於處境劇《愛·回家之開心速遞》飾演高栢菲（少年）、2020年劇集《迷網》大學校花「阮燕菁」一角及2021年《寶寶大過天》印籍傭工Siti一角，令觀眾漸漸留意，去年更加入TVB娛樂新聞台做主播，出鏡機會漸多。朱斐斐不時於內地社交平台拍攝短片分享演員生活，近日則開直播大爆TVB藝人嘅片酬身價。
郭晉安鄭嘉穎片酬7萬
朱斐斐在片中表示：「能讓蔡少芬感嘆，能讓汪阿姐說要漲價的就肯定唔係日薪208萬嗰種水平啦，視帝視后拍一集都係4、5萬左右，最多嘅可能有7、8萬一集。」朱斐斐列出部分TVB藝人片酬，包括鄧萃雯每集港幣80,000元、郭晉安、鄭嘉穎每集70,000、佘詩曼每集65,000元、林峯每集50,000元、郭羨妮每集45,000元。
鍾嘉欣片酬最高
朱斐斐又叫網民猜TVB片酬最高嘅藝人：「是的，就是鍾嘉欣。《星空下的仁醫》一部劇就係港幣300萬元，不過她當時好像拍了4個月吧，這麼一算她日薪也有2萬。如果在TVB的話，這已經是天價，畢竟TVB拍一集應該只有100萬的預算。」朱斐斐又透露自己當年喺訓練班工作一個月都只係得車馬費。
朱斐斐擁超多名牌
除咗演員身分，朱斐斐亦有兼職健身教練，及於2020年開設售賣健康食品及時裝嘅網店。5月時，曾以「月租2W3的房子」為題拍攝，分享自己鄰近太子站、月租港幣兩萬多元嘅單位，客廳與睡房景觀開揚，房中有一堆名牌紙袋以及窗台上有名牌手袋，令人震驚。
原文刊登於 Yahoo 娛樂圈
🎁 amJetso請你睇《焚城》，快Ｄ開APP玩👇 👇
