阿Sa阿嬌日前在英皇娛樂概念店搞簽名會。
剛完成大陸第13場演唱會後，Twins已回港繼續工作。日前出席銅鑼灣英皇娛樂期間限定概念店的簽名會，當日只得250個名額，但未被抽中的fans一早已在店外等候兩人出現，場面超墟冚。Twins多年未有舉行簽名會，兩人興奮表示：「耐到唔記得有幾耐，好開心，因為平時見大家都係演唱會或活動，又或者好少時間、機會近距離同大家傾偈。」簽名會上，fans帶了最新推出的彩膠及不同物件，最特別是兩人出道追隨至今的fans，竟帶來Twins剛出道的照片來簽名，阿Sa大叫：「睇吓塊面大到。喂，嗰陣好多雀斑呀、仲有暗瘡……」然後露出慘不忍睹的表情，fans在旁大笑。
Fans攞Twins出道相俾Sa簽名，佢一望就嚇一跳。
阿嬌抽中極罕Twins的簽名寶麗萊，睇下佢幾得戚。
阿嬌即抽即中
簽名會結束，兩人在店內巡視，阿嬌先扭蛋再抽卡，第一個扭即中Twins的簽名寶麗萊，工作人員表示有fans花五位數才抽到，阿嬌聞言：「我抽咗佢哋啲機會𠻹，我要影相show off呀。」兩人又買英皇集團主席楊受成博士的卡套掛飾。「巡舖」完畢，即找楊博士在卡套簽名。兩人更在英皇鐘錶珠寶選購金飾。店內有客人大叫：「老闆，阿Sa生日呀。」阿Sa大讚對方醒目，楊博士搞笑回應：「咁佢送嘢俾我吖。」
英皇鐘錶珠寶店有客人叫楊老闆送生日禮物俾阿Sa，阿Sa大讚他醒目。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
