VIVA近日推出第二首歌曲《DTR》。
女團VIVA日前於尖沙咀The ONE及銅鑼灣進行兩場突擊快閃活動，跳唱出道歌《Topic Killa》及剛派台的第二首歌《DTR》，吸引眾多途人圍觀，亦有不少fans收到風趕到現場支持VIVA，氣氛熱鬧。
四人落力跳唱，觀眾反應熱烈，歡呼聲不斷。首次玩快閃驚喜，VIVA表示緊張又興奮，「第一次快閃，同埋只係出道咗兩個月多啲，可能仲未係好多人認識我哋，有擔心過draw唔draw到觀眾注意力。好驚喜同開心一上台已經見到好多人走埋嚟，多謝大家嘅支持，喺咁熱嘅天氣下停低睇我哋嘅表演。」
除此之外，四人異口同聲大呼快閃演出刺激又新鮮，希望以後可以多點不同類型的演出，又透露將會有音樂會演出，「嚟緊8月17日我哋喺海洋公園有音樂節嘅演出，希望到時見到大家啦！」最後VIVA與現場圍觀的途人及fans大合照，快閃活動圓滿結束。
