谷德昭身邊的朋友WhatsApp帳號被騎劫。
WhatsApp騙案愈來愈多，有不少人因使用網上版WhatsApp，而被騙徒成功騎劫帳戶，繼而向身邊好友借錢，而騙徒成功得手後，便會把借錢的對話全清除，而被盜用帳戶的人可說是全程被蒙在鼓裡。
日前谷德昭上載與友人的對話截圖，友人表示要借一萬元，聲稱大陸轉過來的款項出了問題。惟對方的解釋有可疑，加上有不少錯字，令谷德昭起疑，於是打電話給友人了解，對方才知道帳戶被騎劫。
谷德昭見朋友的回覆奇怪，於是致電給對方了解。
谷德昭留言說︰「收到朋友一個 Whatsapp，用番平時叫我嘅稱呼同埋語氣問我轉住一萬蚊俾佢應急，不虞有詐，只係唔明點解？佢再解釋，我覺得唔對路，打電話問佢，友人接電話，果然係流嘢，友人以為我講笑，收線後查吓發生咩事，最後知道係登入電腦網頁版 Whatsapp時瀨嘢，連忙通知親友提防。#老千手法層出不窮
#親身經歷#個電話真係好危險#總之同錢銀有關就老虎都要通電話聽真聲#叫你名都唔好應住睇定啲#我係唔會用訊息問人借錢嘅#真係要借都會親身打俾你#大家提防受騙」
入App免費換走健康產品
