陳穎欣在工作中度過生日。
Super Girls成員陳穎欣（Yanny）昨日（22日）在工作中迎接生日，期間獲劇組送上蛋糕，令眼淺的她不禁感動到眼濕濕。她搞笑說︰「我最鍾意生日開工，可以逼大家同我講生日快樂，得到好多祝福。」
陳穎欣希望年年有工開。
提到在生日正日拍攝，Yanny笑言是好兆頭，寓意「年年有工開」：「去年受疫情影響，工作機會減少，所以有工開覺得好感恩，希望多啲嚟密啲手，填補番去年嘅收入。」問到男朋友有何表示，Yanny即甜絲絲表示：「佢好理解我嘅工作，所以唔會怪我掛住開工；不過聽日放假，我哋會食壽司慶祝！噚晚我講笑話佢冇準備蛋糕，佢話佢年年生日我都冇送蛋糕，哈哈哈！其實我個人一向冇乜儀式感，所以依家都會學識，要適時為重視嘅人準備驚喜。」
至於生日願望，她笑言經常被人催婚，但目前希望為事業衝刺；作為演員的她更寄望遇上好電影：「好想拍到一部代表作，以後老咗可以畀子孫睇，婆婆都識做戲㗎！」
amJetso 送BIODERMA救星小紅瓶🩷護膚恩物 立即按此參加👇
