Yumi鍾柔美Windy詹天文宣布演唱會加場 樂易玲現身支持搵林二汶拍片打氣

鍾柔美(Yumi)、詹天文(Windy)、姚焯菲(Chantel)將於7月20日假麥花臣場館舉行《音樂出沒Let’s play together》演唱會，門票迅速售罄，三位主角也欠下一身飛債，不少歌迷也向主辦單位查詢加場的可能性，今天(27日)主辦單位特別舉行記者會公布加場好消息，並請來森美擔任主持。

森美出場作簡短介紹後說：「我好想喺度同大家分享我對Chantel姚焯菲、Yumi鍾柔美同埋Windy詹天文呢三個妹妹嘅感覺，由我響2021年第一次係《聲夢傳奇》正式認識佢哋，睇住佢哋三個嗰陣只得十幾歲，中學都未畢業嘅女仔，點樣透過比賽、透過節目去成長、增值自己同埋挑戰自己。佢哋亦當我好似大哥哥咁，一有嘢唔明就問，不過我都好慶幸可以喺佢哋人生中一個非常重要嘅階段同佢哋相遇，我哋好開心一齊做咗一整季嘅《聲夢傳奇》，睇住佢哋進步，向住自己嘅目標前進。我好開心見到今日佢哋喺樂壇，喺學業，喺18 歲嘅人生上面都有唔錯嘅成績，亦都為佢哋感到驕傲。」之後森美便請Yumi和Windy到台前和大家見面，Yumi說：「今次好開心可以同Chantel、Windy開一個屬於我哋三個，亦都屬於我哋歌迷嘅演唱會，好高興歌迷由我哋出道就開始支持，一直支持到今日，知道演唱會飛賣哂嗰一刻真係好興𡚒，不過同樣都有啲煩㗎，因為好多飛債都未還。」Windy則說：「我同Yumi一樣，都係好開心可以加埋Chantel開呢場屬於我吔嘅演唱會，唱我哋想唱嘅歌，跳我哋想跳嘅舞、做一場好嘅show，回饋fans對我哋嘅支持，今次演唱會個名叫做 Let’s play together，希望到時fans可以喺演唱會度同我哋一齊玩，一齊享受。當我知道演唱會嘅飛一出就賣哂，梗係興奮啦，所以我已經同排舞師講今次嘅舞要挑戰難度，等大家覺得超值。」

Chantel姚焯菲越洋致電

Yumi與Windy的經理人樂易玲也有到場支持，樂小姐並向二人傳授錦囊：「由排練到正式開 show，無論係唱歌定跳舞，一定要用心去做，因為觀眾係會睇得出，只要妳哋做到以上幾點，咁個演唱會就一定會好好睇。」接着大會在播放包括 JW、Gin Lee、泳兒、周柏豪、林奕匡、林二汶、舒文和張佳添的祝賀視頻，連遠在外地的Chantel也有即場致電發布會現場，告訴大家很想快點回港和大家一起綵排。今次加場日子為7月19日(星期五)，而加場門票明天(星期五)早上10點正，於BOOKYAY網站發售。