《一舞傾城》有唔少重口味場面，當中有由飾演江湖惡人嘅李嘉包辦，頭幾集就已經想侵犯蔡潔，仲同莊鍶敏有情慾戲。唔少演奸角嘅演員現實生活中都係善良人，李嘉都一樣，十分愛錫老婆嘅佢日前講起，太太原來去年喺內地遇車禍重傷，心痛死！
太太遇車禍重傷
李嘉太太去年10月喺揸車嗰陣，俾另一架車撞到車頭爛晒，「嘉嫂」仲受重傷斷胸骨。事發後太太打俾李嘉，喊住話呼吸唔到，好在有輔警幫忙送院。由於當時仲有新冠防疫隔離措施，就算李嘉撲上內地都要隔14日先可以探望，只好無奈隔住電話了解。
太太重傷已經令李嘉心急如焚，仲要涉及事件嘅司機之後失咗蹤，警察亦未拉到人，而且對方原來冇買車輛保險，只係出事後先搵人靠關係買返！而家李嘉太太正在康復，佢一有時間就上去陪伴，但而家一收到太太電話就會立即擔心係咪又出事，似乎有好大心理陰影。
原文刊登於 Yahoo 娛樂圈
立即更新/下載AM730手機APP 體驗升級功能
