一蚊Joe已主持《東張西望》逾15年。
現年43歲的一蚊Joe（游茛維）2006年因節目《一擲千金》而為人熟悉，當年，他因只贏得1元獎金當眾流下男兒淚，被網民封為「一蚊Joe」，其後獲得陳志雲賞識，以旁聽生身份入讀第22期藝員訓練班，並簽約成為TVB藝員。一蚊Joe今天（8日）在社交網宣布離巢，與TVB 結束18年的賓主關係。
一蚊Joe寫道︰「2025年2月8號，我終於由TVB畢業啦~ 感恩2006年12月，參加《一擲千金》『一夜成名』，之後22期藝訓班旁聽，認識到一班『同學仔』。畢業後，扮老鼠扮焦屍，人生第一次睇/揸靚車《同車生活》，再到《問問MasterJoe》，之後《東張西望》再加《思家大戰》。原來一路走來，轉眼18年。感謝嘅說話有好多，千言萬語，無從說起，害怕掛一漏萬，唯有一句『衷心感謝喺TVB遇過嘅每一位！無論您哋教我鬧我信我支持我，我都一一銘記於心！』亦因為喺TVB呢一間木人巷，教到我一身好本領，所以喺出面，無論政商私人，無論大細，無論筍kam嘅工作，都游刃有餘，搵到少少錢可以養家糊口。」
一蚊Joe宣布離巢 ，與TVB結束18年賓主關係。
一蚊Joe又表示這些年來有很多人問他：「如果俾你喺一擲千金揀多次，到底要當時三年人工嘅39萬？ 定係素人簽TVB入行？由白紙一張、$1500一個月做起？」他說︰「我可以好肯定咁答你！感激我人生有機會入到TVB，感激有機會發掘自己做主持嘅能力」他更表示2011年做J.P. Morgan AD司儀，做到可以搵到老婆，這一切都是2006年一個決定起。他以「永遠嘅母校TVB」續指：「今日畢業，容我引一句『今天且有暫別，他朝也定能聚首』。Yeah~ 我終於有機會講啦，『我哋江湖見』！」最後，他不忘為自己賣廣告，「P.S. 本人『上有高堂，下有兩名化骨龍』，我1MJ 歡迎任何工作，代言，公司活動司儀，婚禮主持，總之『畢業大酬賓』，薪酬費用我哋慢慢傾，最緊要Win Win，甚至搵我吹水傾偈、互相認識都得㗎。」
入App免費拎荷花BB展入場券
