衛志豪與阮兒拍拖3年，昨日女方提出二人已分手
衛志豪與阮兒拍拖3年，感情穩定，但女方昨日出席活動時宣布與衛志豪已分手，當中不涉及第三者。今日衛志豪出席活動時，對分手一事看來一頭霧水，並甚為無奈說道︰「佢話單身，咁我都係單身啦！」
他表示雙方已分開一段時間︰「可以話係冷靜期，要溝通下先。(有冇正式講過分手？)有講過分開下，唔同時間做唔同嘅事，大家依家嘅想法唔一致，未來唔知會咩事，依家分開下。」至於分手原因他坦言「冇發生咩事」，「仲係了解中」，並指不是由他提出分手。
他又指一直有結婚生小朋友的目標，可能時間不對。他說︰「可能我做得唔夠好，佢有呢個決定，我都尊重，佢有咩需要，我都會盡量配合。3年時間始終有感情，依家大家專心工作。」
衛志豪始終對分手一事摸不著頭腦。
立即更新/下載AM730手機APP 體驗升級功能
