杜琪峯(杜Sir)、洪金寶、袁和平(八爺)上周六齊齊出席《七人樂隊》的映後分享會，跟逾300名影迷分享拍攝趣事和解答影迷提問，完場時更被包圍合照，場面熱鬧。《七人樂隊》由杜Sir扯頭纜邀請洪金寶、許鞍華、譚家明、徐克、袁和平和林嶺東合共7位導演聯手，以僅存的菲林底片執導拍攝短片，由五十年代開始，每位導演主理一個十年的香港故事。
杜Sir籲給新人機會
杜Sir表示，所有導演都一口答應參與，深感榮幸。被問到最先邀請哪位導演合作，他回應說：「我第一個搵林嶺東，四十幾年朋友，接近半個世紀⋯⋯」此時現場幾乎每支咪高峰都發出低頻怪聲，杜Sir笑說：「唔好亂講嘢，總之係佢啦！」引來哄堂大笑。對於他執導的《遍地黃金》選用胡子彤、徐浩昌和伍詠詩3位新演員，杜Sir說：「我唔想成日畀人話我拍戲都係用嗰幾個主要演員，應該要改變吓自己，拍年輕人希望鼓勵佢哋，香港需要新人。當佢哋有啲成就，唔好踩！係，佢哋可能未夠成熟、未得，但唔好踩。無論新導演或演員，應該畀多啲機會。我哋𡃁仔出嚟嘅時候都一樣被人話唔得，邊個知道得唔得？如果無機會就一定唔得。」
撐徐克《深度對話》 似社會「九唔搭八」
有觀眾質疑徐克導演的章節《深度對話》離題，洪金寶導演幽默回應：「我好欣賞徐克導演嗰個故事，因為好似依家個社會咁九唔搭八！徐克，好嘢！」全場掌聲和笑聲，身旁的八爺和杜Sir都點點頭。對於近年香港動作電影買少見少，八爺感嘆香港武打演員後繼無人，他說：「好似甄子丹、吳京喺國外學武，再喺內地武術隊受訓，然後我就去用佢哋。武打演員要好長時間栽培出嚟，例如子丹做到差唔多盡，我又要去揀人，但係無人。所以武打片、功夫片嘅前景比較艱辛。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
