三上悠亞900元見面會手仔都冇拖過
AV天后三上悠亞出席台北舉行的成人展，吸引大批台男入場一睹風釆，當然最想同三上有互動了。成人展期間，三上舉行粉絲見面會，每位收約900港元入場費，粉絲埋怨：「我花咁多錢都係想同三上有親密互動，估唔到去到現場，咩安排都冇，咩都唔准做，拖手、勾下手指都唔准，大家都好失望。」更有粉絲怒轟：「三上好大牌」、「好敷衍」、「當我哋傻仔」。主辦商回應：「展會期間，每位女優都盡力想滿足粉絲要求，我們亦收到粉絲投訴，希望下屆成人展會做得更好。」
下周滿30歲的三上，8月16日正式退出AV界。
三上悠亞︰婚戒要夠大
三上台灣之行同時應婚戒品牌L’AMOUR之邀任開幕嘉賓，今日現身活動的她穿上連身裙戴上鑽飾好高貴，未有回應粉絲投訴見面會安排。記者問她未來老公要送幾多卡鑽戒求婚，她量度一下手指說：「幾多卡就唔知，但一定要夠大。」至於理想老公，三上就開出條件：「支持我所做的工作，要夠獨立，要為子女慶祝生日，忘記慶祝日子的男人唔要得。」
三上今日出席婚戒店開幕活動。
入App免費換走健康產品
