因為係天后李玟嘅二家姐，參加《中年好聲音》嘅李思林（Nancy）亦因此被稱呼做「二家姐」。Nancy為胞妹李玟出任經理人多年，工作繁忙令佢即使同新相識男士出街，都要行開講一陣電話，不斷錯過姻緣。
不過，Nancy喺四十過後成為新娘，起初以為德國籍老公同其他金融才俊有所不同，識得理解文化差異又夠sporty。但係Nancy認為自己將對方唔好嘅一面帶出嚟，畢竟前夫本身生活背景簡單，嚟到香港五光十色，加上有個明星親戚，更加紙醉金迷。前夫變得更追求享樂。
前夫呃錢決定離婚
而婚後Nancy遇到醫療事故令佢痛不欲生，但係前夫成日飲醉酒，需要照顧嘅就變成照顧者。至於真正導火線就係前夫藉詞搞生意，夾埋老豆呃Nancy錢，令佢決定離婚。
經歷婚變、醫療事故，Nancy情緒跌落谷底，有2年時間要睇心理醫生，難怪佢都對婚姻都係感嘆「早知唔結」。但亦因為咁，自細熱愛幕前演出嘅Nancy決定參加《中年好聲音》，因為難得有自己鍾意做嘅事可以試。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
