安雅希(右)、Janees合唱，強強組合贏MVP。
選秀真人騷《中年好聲音2》昨晚播出《九強戰！聲夢學員中二合唱！》，10位歌手要爭奪9強席位，而肥媽、伍仲衡、 張佳添、周國豐和陳慧嫻等繼續擔任評審。
昨晚焦點絕對是安雅希、黃洛妍(Janees)這對組合，獻唱《我不難過》的兩人同是唱得之人，兩人一唱一和非常合拍，加上充滿感情的歌聲，令眼淺的肥媽感動落淚，最終兩人獲得全晚最高分92分，張佳添大讚：「有啲似上次安雅希同支嚳儀唱《如願》，我係拆唔到嚟畀分，當Janees唱『讓我走』嗰度，我直情係感動，雅希去到中間時有一種遇強愈強嘅感覺，你個聲音係籠罩住呢個場，聽到好Touching。」
兩人合唱完畢，即時相擁。
給予18分高分的伍仲衡亦說：「好睇到你哋嘅化學作用，Janees幫到安雅希好多，有幾句和音全部都好高音，但你係黐到雅希實一實！」最終安雅希再度獲得MVP，今次亦是她第三度獲得MVP。
肥媽是性情中人，感動到喊。
安雅希第三度獲得MVP。
amJetso 送BIODERMA救星小紅瓶🩷護膚恩物 立即按此參加👇
