曾蜜詩經谷婭溦指導，表現脫胎換骨。
昨晚播出的一集《中年好聲音2》，多位選手均有突破表現，紅組的曾蜜詩在谷婭溦的指導下，表現大躍進。以紅色旗袍、毛毛被肩上陣的曾蜜詩化身上海歌姬、獻唱李香蘭的《三年》。擅長「嗌歌」的蜜詩，一改風格大唱低音，最終獲得87分不俗成績，肥媽說：「真係要讚呀！好恭喜谷婭溦，蜜詩由第一季到依家都成日嗌歌，原來佢低音咁靚，之前冇人發覺佢有呢樣嘢，佢以前好唔聽話。」谷婭溦笑言：「依家佢真係好聽話，我講咩佢就做咩。」伍仲衡亦笑言：「恭喜你(曾蜜詩)，你終於明白咩係唱歌，唱歌唔係鬥高音，你依家感動到人。」
曾蜜詩扮上海歌姬，獻唱李香蘭的《三年》。
另一亮眼選手可算是鄭梓浩，外形斯文的梓浩與朱博文跳唱《冰山大火》，兩人勁歌熱舞一唱一和，非常合拍，最終獲得87分。梓浩大晒好「舞」功令人眼前一亮，伍仲衡笑言：「梓浩你令我刮目相看。」Jade說：「博文你唱呢隻歌我諗應該掂啦，你唱《頭髮亂了》唱得好好，點知你被梓浩比下去，梓浩今日使盡渾身解數，拋低咗好多包袱。」張佳添則笑說：「好開心你哋唔吝嗇你哋嘅肢體，雖然有啲位跳到有啲似蛤𧊅，你哋仲要着住綠色衫，但呢個冇扣你哋分，我睇得好開心。」
鄭梓浩、朱博文跳唱《冰山大火》，表現亮眼。