張智霖係第二位大會公布嘅《中年好聲音3登峯之戰》嘉賓評審。
《中年好聲音3》今晚8時翡翠台播出2.5小時的9強之戰！今集除了繼續有車婉婉擔任主持，固定評審班底肥媽、張佳添及周國豐，還有音樂女神海兒以及著名填詞人潘偉源，齊齊見證8強誕生。同時，官方繼羅志祥後，再公布5月11日晚假啟德體藝館舉行的《中年好聲音3登峯之戰》第二名嘉賓評審為張智霖，而Chilam還為此特意拍攝宣傳片，相關宣傳片將於已在翡翠台黃金時段播出。
本回合主題是「改編歌之夜」，9位參賽者演唱歌單如下：陳芷盈《深愛著你》、善玥澄 《依然》、劉洋《後來》、王鄭浚仁《愛火花》、李金凱《歸來吧》、占士丁丁《Take me to your heart》（《吻別》英文版）、趙浚承《霧之戀》、黃博《蜚蜚》及張與辰《拒絕再玩》。
為令觀眾對《中3》的9強有更深入了解及認識，今集製作組還為各人安排了單人外景拍攝。本集對決相當精彩，9位參賽者中有８位參賽者獲得超過90分，當中不但有人勇奪99分，獲得95分以上的也有四位之多，成績相當亮麗，難怪潘偉源會笑言似睇演唱會多過睇比賽。本集給出最驚喜表演的，要數王鄭浚仁獻唱的《愛火花》！王鄭浚仁這次拋下對完美唱功的追求，選擇盡情享受舞台，除與現場伴奏的Live Band玩埋一堆、又唱又跳搞到滿頭大汗，在歌曲結尾部分更以近乎完美皫飆高音round up，技驚四座，主持婉婉一走上台即忍不住讚歎：「佢將屠龍刀倚天劍冚唪唥拎晒出嚟呀，好似年初二放煙花咁。」
而一眾評審亦同樣讚不絕口，其中周國豐以「黐線雜技團」形容王鄭的表演：「今次你係飾演咗成個雜技團，但呢個咁黐線嘅表演，你係做足到，你呢個表演值滿分」肥媽指：「後面嘅準確度同嗌、同埋最尾嘅Falsetto（假聲）用真聲去到，呢個真係好難度高，真係要畀啲掌聲隊Band，因為你畀我哋睇到你哋嘅合作性。」海兒亦讚：「你進化了！我哋一直都知道你係得嘅，但你永遠就係爭嗰少少，你今日全部做到晒，咁高難度嘅雜技畀你完美咁Execute，賞心悅目，絕！冇嘢好講。」張佳添：「你開演唱會呀依家，咩事呀？帶到啲觀眾High晒，我覺得呢個係王鄭浚仁先夠薑去度啲咁嘅嘢出嚟玩，呢條友真係好識唱歌。」潘偉源表示：「你嘅眼神（同首歌）好夾，非常之好。」
至於趙浚承的《霧之戀》不但同樣為評審帶來驚喜，海兒聽到勁陶醉兼豎晒手指公，並直指今次表演可為趙浚承洗脫「淨係得個樣」的污名。海兒認為：「呢個係咪你第一個20分？你值得嘅，個個都話你係顏值擔當，我覺得好唔公平嘅，你今日係用個心去帶住你把聲同帶住你個樣，先可以唱得出咁高質嘅歌。」肥媽則寄語浚承要對自己有信心：「你那眼中都有我，你真係有呀，你有嗰種火呀，我哋知你做到嘅，但你永遠都收埋收埋。」張佳添指：「呢個絕對係你喺《中3》嘅shining moment，升key半度再半度再一度，夠薑，唱到，仲要係好聽咗，個層次出晒嚟。《霧之戀》聽咗幾十年，原來《霧之戀》啲霧可以上到青山嘅。」潘偉源則說：「真係處理得好好，因為呢首歌真係聽咗好多年，我成日都諗點樣翻出新花樣，而又要合理，你今晚真係做得到。」周國豐亦評：「請你記住你係有實力架，除咗靚仔。」
限時早鳥優惠 火速訂位 | am730母親節溫馨晚宴 $5000福袋等你拎!
