中年好聲音3︳海選美女評審海兒再現身 港產女高音被封「音樂女神」不時IG晒身材派福利
《中年好聲音3》完成「大灣新馬」地區選手選拔之後，尋晚開始展開港區100強初賽，評審陣容除咗有以往幾季嘅固定班底肥媽、張佳添、周國豐、伍仲衡以外，曾經喺海選做評審、今年簽約英皇嘅歌唱家海兒成為新評審，更被主持車婉婉形容為「音樂女神」。
海兒
貴為音樂碩士，海兒喺海選入面俾嘅評語已經獲得唔少網民盛讚，認為佢真材實料。而海兒首次正式參與節目，有網民認為其點評風格同其餘4位唔同，比較溫柔同埋中point，例如其中一位「五燈」參加者張家豪時盛讚對方「音色靚、氣息流暢、音準非常好、共鳴位置擺得好」，幾句就講出點解咁好聽。
原文刊登於 Yahoo 娛樂圈
立即更新/下載AM730手機APP 體驗升級功能
