湯唯獲卓越亞洲電影人大獎。(林俊源攝)
第18屆亞洲電影大獎頒獎典禮昨晚(16日)於西九文化區戲曲中心大劇院已圓滿結束，韓國「不老男神」張東健和湯唯奪得卓越亞洲電影人大獎，湯唯在台上致辭時透露︰「其實我前幾日到咗香港，出咗機場之後，聞到好熟悉嘅潮濕味道，好relax，同埋我一嚟親香港就會搵啲好食嘅嘢。我今次同屋企人一齊嚟，我囡囡最鍾意坐雙層巴士上面嘅前排，我坐佢側邊，慢慢同佢講我熟悉嘅香港，好似紅色木棉花。呢一次我非常感謝大會畀我呢個獎，非常感謝。呢個獎對我嚟講真係好特別，我要喺呢度感謝同我合作過嘅每一位電影導演、演員、工作人員，非常感謝，更開心嘅係有機會喺呢度，有好多優秀亞洲電影人可以雲集喺呢度，可以認識，可以好輕鬆愉快，簡單嘅快樂。」
鍾情香港地道美食
湯唯在後台接受傳媒訪問時表示，「能夠同咁多唔同電影人坐埋一齊，氣氛好特別，從未試過，看多電影片段有很多空間成長，每次返嚟都會尋回喜歡的食物和地方，麵、砵仔糕、糖水、海鮮。」
張東健表示很久沒來港，今次來港領獎心情激動和開心，感到榮幸，這次獲獎對繼續演藝事業有激勵作用，意義重大。問到兩人可有合作機會時，張東健率先大讚湯唯演技出色，當然想合作並欣賞她的演技，湯唯亦期望兩人在演技上的碰撞。
立即更新/下載AM730手機APP 體驗升級功能
