伍富橋老婆上HOYTV教烹飪 回應外界標籤老公做「億萬駙馬」：開頭好嬲
HOYTV新一輯飲食節目《開飯啦》搵嚟唔同大廚示範煮各種菜式；昨日（8日），前《東張西望》「正義女神」林希靈為節目擔任嘉賓，並由伍富橋太太梁兆楹（Shirley）負責教授各種菜式。林希靈表示，本身與Shirley係好朋友，上過佢屋企食咗好幾餐飯，全部都係佢煮，而且每次款式都唔同，大讚Shirley相當厲害。
Shirley父親身家以億計算
Shirley表示唔同國家嘅菜式都識整啲，但唔算好精，指雖然自己鍾意煮嘢食，但有時候煮得多就會覺得好攰，而且人人口味唔同，例如屋企人食得清淡；老公則因為佢本身對食物敏感，變咗好多嘢都唔食得。
據悉Shirley父親從事物流業及食品等生意，擁有兩間麻將館，身家以億計算，婚後又居住於西貢相思灣5千呎豪宅，伍富橋就被標籤為「億萬駙馬」。對於老公被指「食軟飯」，Shirley就表示比起一開始，而家心情已經好返好多，指開頭睇到呢啲批評，可能會好嬲，但而家就會好啲。
原文刊登於 Yahoo 娛樂圈
入App拎12大商場蛇年利是封
