何超蓮首登大銀幕何家成員支持。
由何超蓮、曾志偉、此沙、劉亦淳主演的電影《多想和你再見一面》，今日(6日) 在澳門崗頂劇院舉行全球首映禮。超蓮首部處女作，何家成員都現身支持，除了有媽咪陳婉珍、家姐何超雲、細佬何猷啟，還有二房代表何超瓊、何超鳳及四房代表梁安琪、何猷君，超蓮亦表示相當感動。
對於自己登大銀幕，超蓮坦言相當緊張：「好大個頭好恐怖！琴晚緊張到瞓唔着」，而飾演超蓮「爸爸」的曾志偉就笑言起初以為要扮何鴻燊，他更大讚超蓮作為一個新人十分有天份，絕對係食呢行飯，曾志偉續大爆超蓮成日話帶小食萬歲，但其實是魚翅、鮑魚，相當闊綽！被問到會否再請超蓮拍戲，曾志偉則笑言對方片酬很貴，只能夠俾籌碼代替。
問到與男主角此沙有沒有親熱鏡頭，超蓮就表示沒有，但亦指不怕老公竇驍會呷醋！她更表示在拍攝期間，老公亦有來探班 。問到最近超蓮與竇驍屢傳出婚變，她就婉拒笑答：「今日淨係講電影，多謝大家！」不過，其實竇驍今日亦有現身首映禮，但一到步即快閃入會場，間接以行動粉碎婚變傳聞。最後，超蓮大爆細佬有份客串做沒有對白的路人甲，但最後被導演cut走咗，「佢嚟探班，我哋需要好多路人甲，佢等到凌晨三點先有得拍，但最後導演覺得唔需要cut走咗。」
曾志偉大爆超蓮帶小食魚翅、鮑魚到片場。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
