保錡@ERROR疑棄菊梓喬轉冧「另一個她」？　作家渾水一文爆「藝人朋友」戀情引網民熱議

早前菊梓喬Hana被爆同ERROR成員吳保錡撻著，更有傳媒接到讀者爆料，指6月已經撞見保錡同Hana喺女方屋企附近商場行超市買廁紙，雙方儼如老夫老妻，而且都冇戴口罩毫不避忌。

保錡朋友、財經專欄作家渾水爆「藝人朋友」戀情

菊梓喬同吳保錡都未有承認戀情，早前保錡回應傳媒只係話「了解中」。而保錡朋友、財經專欄作家渾水喺社交平台發文，提及一位藝人朋友喺一程車上透露自己戀愛故事，聽完令渾水非常驚訝。更爆嘅係渾水提到呢位藝人朋友打電話俾「另一個她」，問對方要唔要糖水。文末渾水寫到「然後，大家就見到最近的新聞了」，似有所指。

不過渾水後來將文章刪走，令「藝人朋友」嘅身份更添懸疑。唔少網友都估係邊個，並基於「最近的新聞」以及「藝人朋友」本身住大埔嘅線索，紛紛估計保錡相當有嫌疑。過去渾水不時喺文章提起同保錡嘅交情，二人更試過凌晨時份傾電話仲約埋行藝廊，可見相當老友。

原文刊登於 Yahoo 娛樂圈

amJetso送 Bodysonic先力牌窗口式冷氣機X靜音循環風扇X電動冷凍小風扇