雨僑(Ava)忙完一輪電影拍攝和宣傳後，早前與韓國型男鄭俊英，在南韓釜山拍攝新一輯的旅遊節目《都市蜜遊》亦即將推出。節目中Ava與鄭俊英展開四日三夜浪漫之旅，齊齊坐吊車上山頂、食海鮮，又到訪韓劇《鬼怪》的燈塔景點，恨死唔少女fans！
不過去到海雲臺海灘，浪漫就開始走樣，Ava笑說：「節目組叫咗我哋準備泳衣，我就著咗比堅尼，點知去到係好曬，啲韓國人著晒防曬衣，鄭俊英仲戴晒帽著晒長袖衫，我就曬到燶晒！」她說今次真是老貓燒鬚，結果要去護膚品店買防曬品急救，「但膊頭都係曬燶咗！」
車內拍攝 瞓足全程
拍攝期間，搞笑事仍陸續有來，Ava和鄭俊英乘坐的專車，車廂裝上5、6部攝影機，拍攝兩人在車內的對話和動作，當大家期望兩人傾密偈時，Ava卻睡著了，「因為我好攰，瞓著咗，唯一同鄭俊英喺車廂入面嘅秘密對話係：『唔該，我想問個凳背點樣可以再瞓低啲？』跟住我就瞓番！」
入App免費換走健康產品
