麗英新歌《惡作劇完成》MV以中學時的真實暗戀故事為藍本。
面對負評 感激粉絲鼓勵
網上頻道「小薯茄」的唱歌擔當麗英，今年首次參加叱咤頒獎禮，更在首輪公開投票中，入圍叱咤我最喜愛女歌手十強，她感激小薯茄粉絲的支持，每一票都是對她的鼓勵，「由我哋拍片、到我出歌，即使面對幾多負評都一路鼓勵我、支持我堅持自己嘅風格、做好自己。記得有一個媽媽留言話全家都好鍾意睇我、聽我唱歌，希望我有多啲信心、要欣賞自己！我好感動、知道自己做嘅嘢係有意義。」
大玩身高差萌
麗英日前推出新歌《惡作劇完成》MV，故事以中學時的真實暗戀故事為藍本，邀來同公司男團FINALLY的「顏值擔當」朱Mic擔任男主角。MV以台灣人氣偶像劇《惡作劇之吻》風格拍攝，男女主角的身高差萌充分演繹湘琴和直樹在台劇中戲劇化的情節，青澀回憶湧上心頭。MV在YouTube上架不足3天已錄得逾5萬次點擊。
導演高Ling為MV在上水梧桐河一帶取景，日光與自然環境營造日系風格，配合新歌輕快心跳的節奏，令人少女心大爆發。麗英大讚導演美化了中學時期的回憶情節：「高Ling加插咗好多偶像劇、動漫嘅浪漫情節，以前中學邊敢咁直接表白！好似喺橋上面表白嗰個情節，直程彌補咗我中學時期唔敢做嘅遺憾。成個MV真係好有戀愛嘅感覺！」
麗英大讚朱Mic演活MV學長角色。
朱Mic演活學長角色
新歌講述麗英與學長真實的暗戀故事，二人在持續的相處與陪伴中產生好感，正是「友達以上戀人未滿」。麗英笑言朱Mic絕不是自己過往暗戀對象的類型：「我通常都係鍾意運動型，黑黑實實嗰種。我中學嘅暗戀對象都頗多，我係欣賞啲男仔有自己嘅特色同長處，例如打籃球或者玩音樂，佢哋做自己擅長嘅嘢嘅時候會發光咁吸引。如果我中學時期遇到朱Mic可能都會鍾意佢，佢有幾靚仔、打鼓又幾勁，有時都會比佢charm親！」
amJetso 送BIODERMA救星小紅瓶🩷護膚恩物 立即按此參加👇
