ViuTV《全民造星IV》參賽者楊安妮(Win Win)今日出席宣傳活動，她表示沒想過自己會有fans︰「我一出嚟見到大家咁支持我，我真係好開心！本身冇預計過啲朋友會嚟，見到佢哋嚟支持我都好開心。」
Win Win開心有fans到場支持自己。
為總決賽準備好七成
Win Win表示總決賽的準備工夫已有七成︰「仲有啲道具、衫、排舞上嘅鎖碎嘢要處理，因為我要同啲朋友夾行程，都ok嘅，仲有幾日時間去處理。(心情如何？)心情還好，我都唔諗住係一個比賽，盡力去表演，想將自己學到嘅嘢，同成班朋友上去享受演出就夠。」
Win Win期待到時可以好好享受舞台。
Win Win稱今次參賽令她發掘對rap的興趣。
參賽發掘rap天份
Win Win表示透過今次參賽，令她發掘對rap的興趣︰「以前一直冇試過，我唔敢形容我嗰啲係rap，應該叫「Win Win的說話」。其實我都幾鍾意自己填詞再rap出嚟，因為加埋個節奏，係好過就咁企喺度唱，今次令我發現好鍾意呢樣嘢，好想之後自己可以繼續寫詞，整個bit去練習多啲。」
相關新聞：
全民造星IV｜隊友力撐拎冠軍 Marf開心獲炎明熹留意︰互相支持先做好個氣氛
全民造星IV｜Alice否認介入Jer戀情 強調私下無聯絡
amJetso 送BIODERMA救星小紅瓶🩷護膚恩物 立即按此參加👇
