全紅嬋返老家過中秋 大疊現金孝敬長輩 群眾深夜未散要親自呼籲散去

17歲嘅國家隊跳水選手全紅嬋，喺巴黎奧運成功衛冕女子十米高台跳水金牌，並拿下雙人女子十米高台跳水金牌。全紅嬋多次試跳近乎無水花，網民戲稱佢係識「水花消失術」。

全紅嬋返老家過中秋大疊現金孝敬長輩

完成奧運同埋一連串活動之後，全紅嬋呢期返回家鄉廣東省湛江邁合村。據知兩年幾未返過屋企嘅全紅嬋，今次打算喺老家同屋企人過中秋。

全紅嬋星期四坐政府安排嘅車返到老家，邁合村有村民出嚟迎接，但未有大搞活動慶祝。內地網媒拍到，全紅嬋返到屋企之後同家人見面擁抱，並且向佢嫲嫲拎出一疊現金孝敬長輩，令大家笑得好開心。

全紅嬋回家消息傳出後，越來越多人喺佢屋企門口聚集，全紅嬋曾經喺屋企拎西瓜俾群眾消暑。但係入夜後人潮未散，全紅嬋無奈要喺屋企二樓叫在場民眾「回家吧，別人要睡覺的」。

原文刊登於 Yahoo 娛樂圈