Joey難得休息，最好當然是盡玩盡食。
容祖兒(Joey)忙完演唱會終於可休息下，今日IG出po分享同好姐妹阿Sa約會照，原來兩人去咗歎spa，Joey留言：「我呢位老友真係好識享受人生 跟住佢就總能感受到生活的多姿多彩 尋日佢又帶我去咗做Spa re叻一番 點知都係雞啄唔斷 塞咗個頭落床個窿度都仲係不停講 用不同嘅話題洗滌心靈 在生活上工作上感情上 我們都是互相分享互相提點互相支持 學蔡老師話齋 Work hard play harder。」
Joey邊歎邊自拍。
阿Sa明早又去大陸工作。
全日在家休息
之後，Joey透露阿Sa明早去杭州工作，自己完成演唱會後就繼續慶功。「繼續工作繼續開會，還有老友和尊敬仰慕的前輩生日。終於，兩星期後的今天，我可以全日留喺屋企啦。」阿Sa留言：「其實留喺屋企最正，好好休息，下次再傾過。」阿Sa早前已在IG出po透露同Joey去接摩做spa，仲話趁老友完成咗30幾場show同佢放鬆吓。
amJetso 送BIODERMA救星小紅瓶🩷護膚恩物 立即按此參加👇
