劉家輝中風半身不遂 69歲坐輪椅激罕現身領獎笑容滿面
現年69歲嘅武打男星劉家輝，喺2011年中風至半身不遂，自此深居簡出，甚少公開露面。前日（4日），香港動作特技演員公會舉行新春團拜聯歡晚宴，除咗會長錢嘉樂、副會長張雷、「火星」蔣榮法、古天樂、李家鼎、歐瑞偉、吳思遠、徐小明、湯盈盈、周家怡、連炎輝等人出席之外，劉家輝亦喺好友樊亦敏嘅陪同下激罕現身。
劉家輝喺好友樊亦敏嘅陪同下坐輪椅現身
香港動作特技演員公會每年都會喺春茗向前輩頒發獎項，表揚佢哋對動作電影嘅付出同貢獻，而劉家輝喺今年就獲頒貢獻大獎。大會喺現場播放多套劉家輝昔日有份演出嘅影片，主持人仲話：「劉家良師傅悉心栽培嚴格訓練，家輝哥才華出眾，武藝超凡，參演電影包括，《少林三十六房》、《陸阿采與黃飛鴻》、《洪熙官》、《爛頭何》、《少林搭棚大師》等等，家輝哥光頭形象尤其出眾，被稱為東方『尤爾·伯連納』」之後，佢喺好友樊亦敏嘅陪同下現身，雖然佢坐輪椅出現，大腿蓋上毛毯保暖，不過精神尚算不俗，全程笑容滿面；而佢亦有簡單話：「開心」。
原文刊登於 Yahoo 娛樂圈
入App免費拎荷花BB展入場券
