動作演員鍾發為曾志偉一場飯局隔離14日 最後因為咁告吹嬲到爆
資深電影人文雋（Man哥）嘅youtube頻道近期搵咗洪家班成員、資深動作演員鍾發做嘉賓，大談多年軼事。Man哥問鍾發仲有冇同行內人聯絡，殊不知竟然令鍾發講出一件扯火事。
鍾發直情叫志偉「去死啦」
鍾發認為曾志偉想做新聞搏流量
出身於洪金寶嘅洪家班，鍾發話因為大哥身體狀況，近年見面少咗，但仍不時同大哥有電話聯絡。至於影圈另一大人物、TVB總經理曾志偉，鍾發直認同對方冇偈傾，原因同一餐飯有關。鍾發談到疫情期間，洪家班另一成員錢嘉樂搵鍾發，話係曾志偉想約洪家班食飯，而鍾發指當時曾志偉啱啱返TVB做總經理，認為曾想做新聞搏流量。
曾志偉
喺內地工作中嘅鍾發話嗰時返香港要隔離14日，但都答應出席。鍾發話隔離完結前一日，錢嘉樂打俾鍾發，話曾志偉喺佢完成隔離當日要同官員去日本考察，飯局需要取消。鍾發一怒之下唔出席飯局，打俾曾志偉又冇回覆。雖然事隔一輪，不過鍾發講起仲好好火，直情鬧曾志偉「你去死啦」。「我想問一句︰曾志偉你係洪家班咩？……我隔離緊，為咗你去攞流量……你去日本係搭檔咋，你唔係主角呀」。
原文刊登於 Yahoo 娛樂圈
立即更新/下載AM730手機APP 體驗升級功能
