今年67歲嘅資深歌手兼DJ歐瑞強(Albert)，除咗靚聲同民歌以外，戴帽造型一向都係佢標誌。剛過去嘅周末，Albert同樂壇校長譚詠麟一齊為填詞大師鄭國江嘅作品音樂會做嘉賓。出名百厭嘅校長，喺第一場演出台上講起歐瑞強戴帽呢個形象，甚至話「想解開個疑團」兼且手多多，搞到Albert話要同校長拖手，費事佢得逞。
笑言自己有好多頭髮
殊不知Albert講嘢嗰陣，譚校長趁機「偷襲」得手，嚇到Albert大叫兼擰轉面背向觀眾，仲用手遮住個頭。之後Albert從校長手上拎返頂帽，立即戴返兼整理。觀眾睇到呢幕梗係開心，譚校長仲攞彩話「點都要揭一次」。難得歐瑞強冇嬲爆，仲笑笑口話「揭咗就冇咗個秘密，就係話晒俾全世界聽我有好多頭髮」。
成日戴帽嘅區瑞強曾經解釋，因為自己係個農夫，所以「帽不離頭」遮太陽；加上自稱懶，戴帽就唔駛梳頭set頭。而家佢已經收藏數以百計嘅帽，甚至將儲帽成為嗜好。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
