張致恒一家經常為錢而煩惱。
張致恒與太太區燕雯育有三子，自細仔出世之後，雯雯定期嗌離婚和網上放負，去到近數月轉為鬧張致恆又懶又廢，同時她又開網店賣寵物零食，似想憑個人能力湊大3位小朋友。昨日，雯雯又再跟網民玩「你問我答」，當然不少得再鬧張致恒及呻自己無錢，更表示需要3萬元應付家中的開支。
雯雯早前透露已搬到新居，她在「你問我答」中透露屋租由她支付，並鬧張致恒「賴死喺度，又一毫子都冇。」並稱對方「死性不改」。對於網民問到男方有沒有俾錢，雯雯一律以笑笑的emoji回應。大家亦很關心他們何時離婚，雯雯答道︰「有小朋友唔係話即刻就做，要安排好多嘢」、「呢個問我答過好多次，佢依然存在，就係小朋爸爸。」對於不停loop嗌完離婚又復合，她說︰「每個人都有佢個一刻嘅情緒，我只係自己平台分享自己想分享嘅，我點解要理人哋點睇？唔鍾意又覺得煩嘅，其實冇必要睇我嘅平台。」
急需3萬應付家庭開支
有網民指雯雯不時在網上唱衰老公，或會令他失去工作機會。雯雯說︰「我講唔講都一樣，我都係硬食負責晒屋企，我仲要顧佢？邊個顧我？佢個人都係我行我素姐。」對於網店的生意，雯雯表示有做，但很少經營，並指「有冇生意係兩回事」始是暗示網店生意不好，她亦稱只要有錢，自己「咩都會試」。同時她稱自己很需要錢，金額為3萬，並謂3萬僅夠支加還錢給債主。
有網民建議她找社工幫手或申請綜緩，雯雯說︰「每個人都有佢難處嘅，並唔係咁簡單。」、「有時有啲嘢，唔係你話申請就一定有」。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
