古天樂帶林峯、胡子彤、張文傑食叉燒飯。
賣座電影《九龍城寨之圍城》獲提名代表香港角逐奧斯卡最佳國際電影 (The International Feature Film，即最佳外語片)，古天樂、林峯、張文傑及胡子彤等日前現身謝票活動，收工後更齊齊拉隊去食「銅鑼灣最好食嘅叉燒蛋飯」！
早前，林峯在澳門舉行五場《LOVE FLOWS林峯澳門演唱會》，戲迷期盼的「城寨四少」透過視像呈現，「龍捲風」古天樂亦驚喜拍片滿足粉絲，當時古生在片段中提到要請大家食叉燒飯，果然講得出做得到，古天樂在自己的IG上分享短片，並寫：「城寨無咗，我就帶佢哋去銅鑼灣一間中菜食最好味嘅叉燒飯。」見林峯、胡子彤一人拎住一換叉燒飯，上面更放有一隻太陽蛋，旁邊的張文傑看似食得津津有味，網民睇見到都話流口水，原來眾人是到古生經營的中菜「名廚」，該店開業已經逾10年，位於銅鑼灣摩頓臺，稱得上是名人飯堂。
