陳卓賢在台上講起張敬軒借獎給他作鼓勵一事，令人想起當年Sammi與安仔的「廚房宣言」。
《2024年度叱咤樂壇流行榜頒獎典禮》昨晚圓滿結束，陳卓賢(Ian)囊括多個大獎，包括「叱咤樂壇男歌手」及「叱咤樂壇唱作人」金獎及「叱咤樂壇至尊唱片大獎」。Ian台上也多謝張敬軒，他說︰「2022年嘅時候，張生拎咗男歌手金獎，應該冇記錯，然之後佢有一晚佢就打俾我，佢話『有啲嘢要俾你』，我吓有咩要俾我？跟住佢俾咗個佢嗰年攞個男歌手金獎俾我，佢就同我講『你擺喺屋企，我相信有一年你可以攞到男歌手金獎，攞到就俾返呢個獎俾我』，我今晚返去就即刻攞返俾你。」
張敬軒坐足全晚，但獲多位後輩上台點名多謝他。
盡力回饋樂壇
除了陳卓賢外，VIVA及曾傲棐亦在台上多謝張敬軒，因此不少人大讚軒仔為整個樂壇付出不少。然而，亦有人指陳卓賢今次奪得多個大獎，除了實力之外，不多不少與軒仔及局長有關。
張敬軒今日下午在Threads數度發文回應，對於不少人讚他的付出，他就謙虛說︰「我都只係想好好做一個Servant(僕人)，去serve好自己身處個行業，結多幾份善緣，我當年兩手空空嚟香港，我眼前擁有嘅成績好大部分都係呢個地方、呢一度嘅人畀我嘅，到咗我擁有咗咯，我就盡自己能力畀返出嚟，係對呢度嘅行業，又甚或呢一度嘅人對過我好、愛戴我嘅情義， 冇乜嘢值得一提，一切都係應份嘅。」
VIVA與曾傲棐在後台受訪時，再次多謝張敬軒。(蘇文傑攝)
見Ian如見到自己
至於為何要將自己的獎給予Ian作為鼓勵，他表示早年邀請了姜濤、Ian及Jer柳應廷做嘉賓，他指Ian給予他的印象是處於焦慮同憂鬱感覺，其後二人日漸熟絡之後，「我喺佢身上睇到咗05至07年嗰個階段嘅我，經常散發出一種對前路茫然嘅感覺。」加上見到「佢日日咁樣吽吽兜兜(吽吽哣哣)，係唔忍心佢浪費自己嘅青春同埋時間。」於是他決定教Ian如何重新打開自己及調整個人能量，所以就有借個男歌手金獎給他的想法。
張敬軒一直為樂壇默默付出。
叮囑Ian要繼續進步
他又透露Ian真的漏夜把獎座還給他，他亦趁機指出Ian在台上的表現非常差。他說︰「我哋行內人知道叱咤台個音響咁多年以嚟都係一個挑戰（關於點解係挑戰, 有興趣嘅喺度留言, 我可以專門開個post講）, 但係我同阿陳講, 我跟過甄妮、朱咪咪、陳潔靈、肥媽呢啲前輩搵食, 無論個音響幾有問題, 一上台揸住支咪,紮實嘅唱功就硬硬正正咁樣喺嗰度！觀眾係唔需要去bear我哋喺硬件上所遇到嘅問題，觀眾淨係嚟享受㗎咋。我有同佢講：無論因為乜嘢原因，自己當晚嘅表現唔好嘅話，就好好記住呢一種唔開心嘅情緒，唔好放過自己， 將呢種情緒變成你去訓練去進修嘅動力！點解我有時會好認真咁樣上網睇人點樣鬧自己呢？因為令你進步嘅方法嘅答案就喺入面！當我哋面對批評嘅時候我哋要抱住 MAYBE YOU ARE RIGHT 嘅心態！佢諗一諗, 然之後答我：我一定會再練多啲, 一定會越來越好！我有同佢講、我亦都有喺現場同柏宇講, 阿姜嘅唱功進步咗好多！」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
