網民紛紛留言為吳文忻打氣。
吳文忻(現名吳忻熹)去年證乳癌第三期復發，癌細胞已擴散至淋巴腺。她其後到泰國接受細胞免疫治療，曾透露癌指數有下降。上月底，吳文忻因心臟出現積水問題，留醫近半個月。現時已經出院的她，今日(17日) 在社交網上載片段回顧過往兩星期在醫院的記錄。
片中見吳文忻插住鼻喉，面色瘡白一臉倦容，並不時痛苦呻吟「好辛苦」，更在床上流淚忍泣，不停抹眼淚的畫面令人心酸；幸好。人緣甚佳的她獲不少好友到醫院探望，並送上正能量，吳文忻帶着虛弱的聲線說道：「我依家喺瑪麗醫院第四日，辛苦，我真係辛苦，但同時都好開心，呢段時間有好多朋友嚟探我，畀嘢我食、煲湯，好多嘅愛。呢一場仗係要硬食架啦，係要辛苦去打，打得嚟係開心因為有好多愛同支持。感恩，唔緊要，關關難過關關過，我一定會過到嘅。」網民都紛紛留言為她打氣。
立即更新/下載AM730手機APP 體驗升級功能
