![吳若希今早出story寸老公,嬲到「L」到出埋。](https://cdn.am730.com.hk/s3fs-public/styles/article_image/public/2024-07/3_17.jpg?itok=f_aaf4Zv)
吳若希今早出story寸老公,嬲到「L」到出埋。
32歲吳若希(Jinny)2017年與澳門富二代男友何兆鴻(Alex)結婚,育有一對子女。婚後偶爾傳出小風波,Jinny又愛將家事公開,今日更在IG公審老公,爆他陪女同事搭港鐵。Jinny今早10點52分出Story分享與老公的微信對話截圖,Jinny寸老公:「好L sweet呀~~仲可以同人一齊搭地鐵返工。」Alex回覆:「我要佢簽MPF。」Jinny咬住唔放:「真係好大原因呀~~叫佢簽MPF,就要車人返工,又要陪人搭地鐵。你唔好俾人影X到啊~」之後Alex開始躁:「其實我真係已經好多野(嘢)煩,我唔明點解我咁樣我都要比(俾)人鬧,我唔同你講鬧我都正常,我真係做野(嘢),我之前幾年做垃圾做唔到野(嘢)又鬧,我而家做正經野(嘢)都鬧。」Jinny繼續唔放過老公:「做嘢又要俾我鬧?你做啲咩俾我鬧?」
![Jinny經常分享快樂家庭照,但偶爾又會鬧爆老公。](https://cdn.am730.com.hk/s3fs-public/styles/article_image/public/2024-07/Jinny291%20%28003%29.jpg?itok=AiOm6Ykj)
Jinny經常分享快樂家庭照,但偶爾又會鬧爆老公。
![到第2個story,又鬧下又體諒下咁。](https://cdn.am730.com.hk/s3fs-public/styles/article_image/public/2024-07/5_9.jpg?itok=n74yQR0Q)
到第2個story,又鬧下又體諒下咁。
![之後叫大家放心,佢冇嬲,最愛係一對子女。](https://cdn.am730.com.hk/s3fs-public/styles/article_image/public/2024-07/4_13.jpg?itok=TO91Dht4)
之後叫大家放心,佢冇嬲,最愛係一對子女。
「男人身有屎就話好多嘢煩」
Jinny在截圖打上多字,暗示老公揾藉口:「其實呢,女人呢係好敏感嘅。你趷起條尾都已經知你會做咩㗎。男人呢~就好得意嘅,身有屎嗰陣呢,就會話自己已經好多嘢煩,怪返女人唔體諒佢。」之後,Jinny出了多個story,叫大家唔好誤會何生,因為女同事與何生住得近等等。仲公開保險女agent卡片,並留言:「對唔住,頭先令到大家有誤會。呢個agent非常好,亦都唔係何現時所用緊嘅agent~」story曝光後,惹來網民熱烈討論。有人話Alex:「肯定佢(何)唔止俾人捉到一次啦。」Jinny先鬧爆,之後又叫大家唔好誤會。究竟係寸緊老公定自己搞錯咗件事?
![呢個story應該係同女agent對話,Jinny仲帶點怒氣。](https://cdn.am730.com.hk/s3fs-public/styles/article_image/public/2024-07/2_23_0.jpg?itok=zoCL5yJX)
呢個story應該係同女agent對話,Jinny仲帶點怒氣。
![最後再次叫大家唔好誤會,仲分享埋agent卡片,話介紹一下。](https://cdn.am730.com.hk/s3fs-public/styles/article_image/public/2024-07/1_25.jpg?itok=PrgLx_LC)
最後再次叫大家唔好誤會,仲分享埋agent卡片,話介紹一下。