吳鎮宇同太太王麗萍嘅獨子吳費曼(Feynman)今年已經14歲，最近Feynman得知有內地網民公開佢嘅照片，向來出post語帶幽默嘅佢，決定自己相自己post，仲自嘲話「還有那是幾個月前的要看就要看現在的。『雖然還是很難看』」。
Feynman post嘅近照可見，而家佢已經高過媽咪，甚至同身高1米8嘅老豆差唔多。而且睇身型都相當健碩，應該著得落大人大碼，比起其他同齡少年多咗份「佬味」！
曾拍《爸爸去哪兒2》
吳鎮宇多年前帶住5歲嘅Feynman拍攝內地綜藝《爸爸去哪兒2》，活潑醒目嘅佢得到觀眾喜愛，當時佢仲一副女仔樣。2017年，鎮宇再帶當時9歲嘅Feynman做節目嘉賓，Feynman已經開始「圓潤」，連老豆都嘲笑佢。而Feynman開咗自己微博之後，都會不時出post寸老豆，又將鎮宇嘅「黑圖」公開，但兩父子感情不受影響。
amJetso 送BIODERMA救星小紅瓶🩷護膚恩物 立即按此參加👇
