陳松伶、呂良偉、泳兒、馬浚偉等，前晚為《流行經典50年》錄影，問呂良偉會否與修哥(胡楓)比「舞」，呂良偉直言：「修哥太厲害啦，到佢呢個年紀仲可以唱歌、跳舞同開演唱會，真係破晒紀錄。」呂良偉透露，剛從內地趕回香港，因最近都忙於拍攝電影，問他會否有機會回TVB拍劇，他說：「唔會啦，手頭有幾個電影計劃，拍劇太花時間。」提到早前他與甄子丹一家去旅行，呂良偉說：「非常開心，難得小朋友放暑假聚埋一齊，佢哋玩得非常開心。」
馬浚偉一見陳松伶即衝上前擁抱。
馬浚偉食素搞到差啲死
馬浚偉稱，這天會表演3首歌，算是為即將舉行的演唱會熱身，問他演唱會和電影兩邊兼顧會否很吃力，他說：「好彩自己時間管理得唔錯。」馬浚偉又分享過去因一直吃素，導致營養不良，血壓非常低：「試過行街突然頭暈，差啲死呀，所以奉勸大家，食素前一定徵詢營養師。」
入App免費換走健康產品
