周國賢指，得到Miss指派做耶穌後就愛上了對方。
周國賢、吳浩康主演的《REBOOT》，日前到校園進行拍攝工作，周國賢說：「依家啲學校有冷氣。細個讀書嗰時，每逢夏天小息玩完都全身濕晒，課室得一把吊扇，嗰時已經覺得好幸福，依家就間間課室都有冷氣。」周國賢又自爆初戀：「讀書時我好純真，無戀愛史，不過有暗戀過Miss。小學二年班時，我係比較文靜唔講嘢，有次聖經堂舉辦小劇場，Miss竟然派我做耶穌，我突然覺得佢有光環咁，我諗初戀就係咁發生。不過畢業後都無搵返Miss，依家我唔記得佢個樣同名！」吳浩康笑說：「周國賢暗戀Miss大逆不道。」
吳浩康勾起校園回憶，認為讀村校與市區學校分別很大。
拍攝期間，吳浩康收到家人離世的消息，但仍然專業地為拍攝趕工，吳浩康說：「多謝劇組上下協助，喺呢個劇組都好開心，慶幸喺呢個劇組度過咁嘅日子。心情都係會影響狀態，不過都需要去做好件事，我自己都好專注拍攝。」
入App免費拎荷花BB展入場券
