YT表示有跟Jer等打招呼。(林俊源攝)
YT周殷廷昨日(4日)到海洋公園出席音樂會，提到他早前在《叱咤》上拒扶阿正，他表示「只要你真係跌低，我一定會捉住你！」談到他在頒獎禮上食白果，大熱倒灶，他表示沒有感到不開心，反而開心見到大家。他稱自己貼中叱咤女歌手賽果已感大滿貫，故沒有為自己零收穫而失落及不快。他說︰「當晚冇輸贏嗰種感受，只要見到有歌手上台領獎，都戥佢哋開心，一開波就貼中晒，但我冇貼自己。開心見到自己的朋友拎獎，無任何失落。」
問到在後台有沒有安排床哥跟MIRROR見面，他表示後台非常混亂，因此未有機會，但在今次活動上有跟MIRROR成員兼打招呼。
早前YT與環球續約，傳他獲贈公司股分，他說︰「我同公司一直好正面去傾，之前唔講太多，唔止係以藝員身份去傾分成、簽幾長，而係想令整個公司一齊進步，唔係藝人或者某部門，點樣一齊邁向一個方向，所以用咗好長時間去傾，而家係得到共識，可以一齊行。」他稱在九展開騷時已說「紅館見」，這個方向是不會變，他強調跟公司的關係一直很良好，外間誤解了雙方的關係。他表示跟公司的關係很密切，大家都是互相信任。他稱公司應該有入紙申請紅館檔期，但仍要看是否申請成功，才能答到開幾多場。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
