2025-01-15 14:25:22

唐詩詠麵包店員態度被小紅書網民炮轟 IG回應「服務性行業真係唔容易」

效力TVB 20年嘅視后唐詩詠於2022年9月離巢後，早前喺銅鑼灣開設麵包店成為逆市奇蹟，經常有顧客大排長龍。不過早前有網民喺內地社交平台小紅書發文，炮轟店員態度「十分惡劣」，聲稱排完隊入店冇耐就畀店員催住要買咩麵包，俾完錢店員仲將發票掉喺枱面。有網民認同唐詩詠間麵包店嘅店員「服務態度一般不太友好」，亦有人話「如果店員唔催，後面就唔係等半個鐘，係等一個鐘！」。